Setembro 2025 - xeral - lists.gpul.org

Procura de portátil novo
by Emilio J. Padrón González 28 Out '25

28 Out '25

Ola! Agora que xa temos de novo rolda de correo, mando isto por aquí: dádesme algunha recomendación de portátil? :-) Que estades a empregar vós? Estades contentos? Que comprariades agora mesmo de ter a necesidade? [pensei que igual isto era algo offtopic, e igual debería ir a misc@, pero no fondo vou usar ese portátil exclusivamente con GNU/Linux, así que supoño que encaixa aquí ;-)] Estes foron todos os meus equipos portátiles ata o de agora, para que vexades o meu «perfil»: gotham - IBM Thinkpad T40 anarres - Lenovo Thinkpad T400 ithilien - Lenovo Thinkpad T430s worlorn - Lenovo Thinkpad T470 Como vedes, non me caractericei pola variedade, e fun bastante (moi) conservador co que me gustaba. O último e actual, worlorn, dende onde escribo este correo, ten algo máis de 8 anos e algún problema hardware que me está a amolar bastante dende hai meses. Valoro moito a experiencia de tecleo, e iso e que quero que sexa resistente (vouno trotar bastante, pois sempre ando de aquí para alá co portátil, e moito en bici) pero non demasiado tocho levoume sempre á serie T de Thinkpad. Evidentemente, estou a valorar os T14, sobre todo os T14s que din que son algo máis robustos de fabricación, pero quería ter en conta outras opcións que, no mesmo rango de prezos (caros), quizais ofrezan máis cousas. Graciñas! E

1 0

Re: Fwd: Convite á Xornada de Software Libre Mugardos 2025 – Homenaxe a David Carracedo
by Emilio J. Padrón González 17 Set '25

17 Set '25

Ola! > Aproveito para estrear as listas funcionando de novo Que ben! Graciñas polo traballazo :) Para min sempre é un pracer poder facer uso da comunicación grupal asíncrona como é debido, é dicir, por correo-e e con roldas de distribución :-) > ... unha nova edición das Xornadas de Software Libre de Mugardos: un día para compartir tecnoloxía e cultura libre! Que boa lembranza teño da única vez que me pasei polas xornadas de Mugardos, daquela «Kernel». Moi ben as charlas e actividades, e insuperables os mexillóns que nos deran de xantar :-D Non estou seguro de se coñecín a David Carracedo persoalmente :-/ > Se tendes algún problema cas listas, facédeo chegar, xa que estan configuradas de esta semana e é probable que aínda teñan algún erro. Para xestionara a subscrición hai que entrar en https://lists.gpul.org e a primeira vez darlle a “Forgot password” e seguir o proceso de recuperación. No meu caso, fun incapaz de obter un contrasinal para recuperar o meu usuario. Seguindo as indicacións de Jorge, creei unha nova conta, usando o enderezo de correo no que recibo as mensaxes das roldas, e todo perfecto. Xa teño acceso ao meu perfil no novo Mailman 3. Apertas, E

1 0

Fwd: Convite á Xornada de Software Libre Mugardos 2025 – Homenaxe a David Carracedo
by Jorge Teixeira 15 Set '25

15 Set '25

Boas xente! Aproveito para estrear as listas funcionando de novo reenviado esta mensaxe que recibimos de parte da Comunidade O Zulo: Subject: Convite á Xornada de Software Libre Mugardos 2025 – Homenaxe a David Carracedo From: Comunidade O Zulo <comunidadeozulo(a)gmail.com> Prezados amigos e amigas de GPUL. O sábado 18 de outubro de 2025, Mugardos acollerá unha xornada moi especial para lembrar e celebrar a traxectoria do noso amigo David Carracedo e celebrar unha nova edición das Xornadas de Software Libre de Mugardos: un día para compartir tecnoloxía e cultura libre! 👉 Pola mañá haberá unha mostra de cociña libre (10.00-14.00), na que Xoaquín Ameixeiras cociñará un "fork" dunha receita proposta pola comunidade. 👉 De 12.00 a 14.00 poderemos gozar dunha xincana de orientación polos recunchos da vila, con deporte, enigmas e tecnoloxía NFC para todas as idades. 👉 Ademais, desde o 4 ata o propio 18 de outubro, estará en marcha un CTF online, aberto a quen queira participar. 🎤 Xa pola tarde, ás 17.00, faremos a presentación oficial do evento e seguiremos con microcharlas abertas (17.15-19.00). 📖 Ás 19.00 será o momento de falar de "La Inseguridad", o libro de David Carracedo, e do seu valor hoxe en día. Contamos coa vosa participación e aproveitamos a ocasión para convidarvos a participar nos relatorios! Estamos abertos á calquera temática relacionada con tecnoloxía e cultura libre. Saúdos. -- Comunidade O Zulo Promovendo Software e Cultura Libre dende 2003 www.comunidadeozulo.org Se tendes algún problema cas listas, facédeo chegar, xa que estan configuradas de esta semana e é probable que aínda teñan algún erro. Para xestionara a subscrición hai que entrar en https://lists.gpul.org e a primeira vez darlle a “Forgot password” e seguir o proceso de recuperación. Un saúdo, Jorge

1 0